Җиңү көне - яшьле күзләр бәйрәме ул.Җиңү көне - безнең өчен һәрвакыт горурлык,сугышчан дан һәм батырлык символы ул.
Безнең 5нче гимназиядә Ватанга мәхәббәт хисе тәрбияләү буенча күп эшләр башкарыла.
Яшь армиячеләребез -9,10,11 нче сыйныф укучылары шәһәребездә узган Җиңү парадында катнаштылар. 46 укучыдан торган хәрби расчет үзәк мәйданнан тантаналы марш белән тигез атлап үттеләр.Парадта катнашучылар расчеты белән 10 нчы сыйныф укучысы Әхмәтгәрәев Ильяс җитәкчелек итте.
Шәһәрдә уздырылган бәйрәм концертында “Сәләт” хореографик ансамбле составында бик күп укучыларыбыз чыгыш ясады. Гимназиянең “Йолдызлык” театр коллективы чыгышы да күңелләргә хуш килде. Шәһәр урамнарында оештрылган мастер- классларда башлангыч сыйныф укучыларының җиңү бәрәменә багышлап ясалган бик матур һәм кызыклы эшләнмәләре бар иде.
“Фронт концерт”ларыныңҗыр һәм нәфис сүз номинацияләрендә Шилькова Милана,Сарварова Камилә, бертуган Гришина Евсения һәм Маргариталар,әниле- кызлы Степанова Елена һәм Степанова Анастасияләр, Ягафарова Сафина уңышлы чыгыш ясадылар.
Бу көнне хәтер җепләре яшь буынның җиңүен өлкән буын җиңүе белән тоташтырды. Безнең бурыч: хәтер җебен буыннан буынга тапшыру.
Закирова Мәдинә Нургата кызы,
туган тел һәм әдәбияты укытучысы
