Әлмәт районында тыл хезмәтчәне 100 яшьлек юбилеен билгеләп үтте

27 июньдә Әлмәттә яшәүче хезмәт ветераны, тыл хезмәтчәне Дмитриева Ольга Никифоровна бер гасырлык юбилее уңаеннан котлаулар кабул итте.

 

Юбилярны котларга Әлмәт районы башкарма комитеты җитәкчесе Айдар Каюмов, ветераннар Советы Рәисе Владимир Яшанин, социаль яклау идарәсе җитәкчесе Рөстәм Гәрәев килде.

 

"Без сезгә хезмәтегез өчен рәхмәт белдерәбез. Сезнең ярдәм белән безнең бар нәрсәбез дә бар", - дип билгеләп үтте Айдар Каюмов һәм юбилярга нык сәламәтлек теләде.

 

Ольга Никифоровна Дмитриева 1922 елның 27 июнендә Әлмәт районының Васильевка авылында туа. Ул вакыттагы балаларга хас булганча, хезмәт эшчәнлеген шактый иртә башлый. Сугыш еллары авырлыгын да күрә.

 

1979 елда «Промтранс-А» оешмасыннан пенсиягә китә. Улы Владимирны үстерә. Хәзер Америкада журналист булып эшләүче оныгы бар. Әби оныгының иҗади уңышларына бик шат.

 

"Игътибарыгыз өчен, онытмавыгыз өчен рәхмәт. Һәр яктан да кайгырту сизелә. Хакимият кайгыртуы эмоциональ яктан да, матди яктан да бик ярдәм итә", - дип рәхмәт белдерде юбилярның улы кунакларга.

 

http://almet-rt.ru/news/mgyiyat/52435

Источник: 
https://tatfrontu.ru/node/914141
Язык: 
Татарский