Елховой авылында олкән яшьтәге ак- яулыклы әбиләре күп булуына без бик шат. Шуларның берсе тыл хезмәткәре Яруллина Рәйсә Зиангир кызы 2 августа үзенең гомер бәйрәме 90 яшьлек юбилеен билгеләп үтте. Бу көнне аның адресына котлауларның һәм теләкләрнең иң җылы, эчкерсез сүзләре яңгырады.
Озын гомерле авыл хезмәтчәненең сөйкемле һәм күркәм йөзе еллар агышына буйсынмаган.Өйгә килеп кергәндә Рәйсә апа үз бүлмәсендә тәсбих тартып утыра иде ,килене Зөлкагидә апа үзенең елмаюы белән тәбрикләү өлешен өй түрендә хәстәрләп куелган мул табын артында дәвам иттерде.Рәйсә апа үзенең сикәлтәле һәм авыр тормыш юлын сөйләде. 100 яшьлек юбилеем да күрешергә насыйп булсын диде.һәр яңа көнгә шатланып яши, шөкер кыла.
Мөгаен, озынгомерлелекнең сере дә нәкъ шундадыр.
Олы итеп котлау юллыйк
Туксан яшь хөрмәтенә.
Җиргә кадәр башны иеп,
Юбиляр хезмәтенә.
Гомер буе армый-талмый
Илгә хезмәт иттегез.
Язмыш сынауларын кичеп,
Тормыш юлын үттегез.
Тау кадәр тырышлык куеп
Мендегез биек үргә.
Шул хезмәтнең нәтиҗәсе
Урыныгыз бүген түрдә.
Әнә ничек олылыйлар,
Хөрмәтли сезне Ватан.
Шул хөрмәтнең иң олысы
Очсын без торган яктан.
Хөрмәте олы булса да,
Бик гади теләгебез:
Тыныч тормыш, озын гомер,
Дип типсен йөрәгегез.
Исмагилова С.Р.
Районный Дом культуры г. Альметьевска