pКеше тормыш сынауларын үзе сорап алмый. Минем ерак бабам –әниемнең бабасы Нәбиулла Хәйрулла улы Мөхәммәдиев тә зур сынаулар аша узган. Ул 1921 нче елда туган.Билгеле булганча, бу туган ягыбызда котокыч ачлык хөкем сөргән вакыт була.Язмыш аңа илтифатлылык күрсәткән:ниндидер тылсымлы көч белән үлемнән алып калган. /p pБигәш авылында җидееллык мәктәпне тәмамлаганнан соң хезмәт юлын башлый, кичләрен белем алуын дәвам итә.Кызыл Армия сафларында хезмәт итү ул вакытта яшьләрнең якты хыялы була.Нәбиулла армия хезмәтенә алына. Күп тә үтми сугыш башлана./p pУл сугышның башыннан алып азагына кадәр фронтта була.Сталинградтан алып Европа илләрен азат итүгә кадәр юлларны үтә.Сталинград сугышында күрсәткән батырлыгы өчен “Батырлык өчен” медале белән бүләкләнә./p pУл ике тапкыр авыр яралана. 1943 елда Харьков өчен барган сугышта каты яраланганннан соң өч ай госпитальдә дәвалана һәм яңадан фронтка китә.1944нче елда Одессаны азат итү вакытында аңа яңадан дошман пулясы эләгә. Дәвалана һәм тагын фронтка китә. Болгарияне,Румынияне,Югославияне,Венгрияне,Австрия һәм Чехословакияне азат итүдә катнаша.Будапештны азат итүдә күрсәткән батырлыклары өчен Кызыл Йолдыз ордены белән бүләкләнә./p pНәбиулла бабам бик тыйнак кеше булган. Ул сугыш турында күп сөйләргә яратмый, киресенчә, күбрәк тормышны ярата торган, киң күңелле кеше иде, дип искә алалар аның турында./p p /p pБатталов Хәким,/p pӘлмәт шәһәре/p p5нче гимназиянең/p p5в сыйныфы укучысы/p p /p
Источник:
https://tatfrontu.ru/node/922166
